5 გზა მომხმარებლის შესანარჩუნებლად
თუ ნებისმიერი ბიზნესის ლიდერს ან დამფუძნებელს კითხავთ, რა არის მისი კომპანიის მთავარი მიზანი, შესაძლოა პასუხები ერთმანეთისგან განსხვავებული იყოს; მაგრამ მათ ერთი რამ აუცილებლად აერთიანებთ: ყველა პასუხი ასოცირდება „ზრდასთან“.
ბიზნესის ზრდა, ლოგიკურად გულისხმობს ახალი მომხმარებლების შეძენას, რაც თქვენი კომპანიის წარმატების მთავარი გასაღებია. მაგრამ ეს პროცესი საკმაოდ რთულია და შესაძლოა ხანდახან არც ისეთი წარმატებით დასსრულდეს, როგორც წარმოგედგინათ. ეს იმიტომ, რომ ლიდების იდენტიფიცირება, კლასიფიკაცია, მათთან კომუნიკაცია და შემდგომ კონვერტაცია, საკმაოდ დიდ რესურსებს მოითხოვს.
ამიტომ სანამ ახალი მომხმარებლების შეძენაზე დაიწყებდეთ ფიქრს, ერთ მარტივ კითხვას უპასუხეთ:
და ახლანდელი მომხმარებელების შესანარჩუნებლად რას აკეთებთ?
თუ ამ კითხვაზე პასუხი არ გაქვთ, მაშინ უმჯობესია კარგად გააანალიზოთ თქვენი მოქმედი მომხმარებლი მნიშვნელობა ბიზნესის წარმატებისთვის.
იმის მაგივრად, რომ ფოკუსი ახალ მომხმარებელზე აიღოთ და დახარჯოთ ამაში უაზროდ ბევრი რესურსი უშედეგოდ, იქნებ თქვენი ბიზნესის ზრდისთვის, ინვესტიცია ახლანდელი მომხმარებლის შესანარჩუნებლად უფრო მომგებიანი იყოს?
ამ ყველაფრის გასაანალიზებლად, კარგად გაეცანით დღევანდელ ბლოგს, გაიგეთ თუ როგორ შეინარჩუნოთ მომხმარებელი და გამოიყენოთ ეს თქვენი ბიზნესის ზრდისთვის.
რატომაა მომხმარებლის შენარჩუნებაზე ზრუნვა მომგებიანი?
სანამ უშუალოთ იმ სტრატეგიებზე ვისაუბრებდეთ, თუ როგორ შეინარჩუნოთ მომხმარებელი, ვთქვათ რა სარგებელი მოაქვს ამას თქვენი კომპანიისთვის.
· სტატისტიკები გვაჩვენებს, რომ თქვენი არსებული მომხმარებელი, თქვენი გაყიდვების 80%-ს აგენერირებს.
· განმეორებით შეძენისას მომხმარებელი უფრო მეტს ხარჯავს, შესაბამისად თქვენი გაყიდვები უფრო სწრაფად, ნაკლები დანახარჯებით იზრდება.
· ასეთი მომხმარებელი უფრო დიდი ალბათობით გაავრცელებს ინფორმაციას თქვენს კომპანიაზე და იმ ბენეფიტებზე, რასაც თქვენგან იღებს. ეს კი ნულოვანი დანახარჯებით ახალ მომხმარებლებს მოგიყვანთ.
· და ბოლოს, თუ თქვენი მომხმარებლის შენარჩუნებაზეც იზრუნებთ და არა მხოლოდ ახალი კლიენტების მოყვანაზე, ამით დაზოგავთ და უფრო მიზნობრივს გახდით თქვენს რესურსს.
5 გზა მომხმარებლის შესანარჩუნებლად
1. მოარგეთ თქვენი ფასდადების სისტემა უკვე არსებულ მომხმარებელს.
თქვენ რა შემთხვევაში დაბრუნდებოდით კომპანიაში რაიმეს შესაძენად?
შესაძლოა ამ ქმედებას ბევრი ფაქტორი განაპირობებდეს, მაგრამ პირველ რიგში ეს ფასია. თუ კომპანია ფასდაკლებას გთავაზობთ, იქ არ დაბრუნების მიზეზი თითქმის არ იარსებებს.
ამიტომ მიაწოდეთ თქვენს ამჟამინდელ მომხმარებელს ინფორმაცია თქვენი შეთავაზების შესახებ. ეს გრძელვადიან პერიოდში დაგეხმარებათ ნდობით აღჭურვილი, მყარი და ლოიალური ურთიერთობის დამყარებაში.
2. შექმენით პროგრამა ერთგული მომხმარებლებისთვის
ასეთი პროგრამის დანერგვა, რომელიც თქვენი ერთგული მომხმარებლის „დაჯილდოვებას“ გულისხმობს, მარტივი გზაა, რომ ასეთ კლიენტებთან ურთიერთობა კიდევ უფრო გაამყაროთ და გაუჩინოთ მათ თქვენთან დაბრუნების სურვილი.
მაგალითად: თქვენ შეგიძლიათ თქვენი ტოპ მომხმარებლების 10%-ს ყოველთვიურად გაუგზავნოთ მეილი სპეციალური შეთავაზებებით. (შეიძლება ეს იყოს უფასო მიტანა, 10% ფასდაკლება ან სხვა). ეს კი მოგცემთ საშუალებას მოახდინოთ თქვენი იდეალური მომხმარებლის პორტფელის ანალიზი(დემოგრაფია, ინტეერესები, პრიორიტეტები, ქმედებები და ა.შ.)
კიდევ ერთი გზა ერგთული მომხმარებლების შესანარჩუნებად ქულების დარიცხვაა. რაც უფრო მეტ შენაძენს გააკეთებს კლიენტი თქვენთან, მით უფრო მეტ ქულას დააგროვებს, ეს კი დაასტიმულირებს მას რომ სწორედ თქვენგან იყიდოს და არა თქვენი კონკურენტებისგან.
3. მოახდინეთ პოტენციური კლიენტის მომხმარებლად კონვერტაციის გზის პერსონალიზება
კიდევ ერთი გზა თქვენი მომხმარებლის შესანარჩუნებლად, მათი გამოცდილების პერსონალიზაციაა- ეს მათ თავს ღირებულად აგრძნობინებს.
წაახალისეთ თქვენი მომხმარებელი, რომ შეავსოს საკონტაქტო ფორმა (სახელი, გვარი, ტელეფონი, ელ-ფოსტა). ეს დაგეხმარებათ გააუმჯობესოთ მათთან კომუნიკაცია.
როცა ისინი თქვენს ვებსაიტზე დაბრუნდებიან შეგიძლიათ დახვდეთ მსგავსი ტექსტით: კეთილი იყოს თქვენი ჩვენთაან დაბრუნება. ეს თქვენი მომხმარებლისთვის სასიამოვნო გამოცდილება იქნება და მათი დაბრუნების ალბათობას უფრო გაზრდის.
კარგი იქნება თუ დანერგავთ CRM სისტემასაც, სადაც თავმოყრილი იქნება ყველა ის ინფორმაცია, რაც თქვენს მომხმარებლებზე იცით.
4. შეხვდით მომხმარებლებს იქ, სადაც ისინი არიან
როცა თქვენი მომხმარებლის ბოლომდე გესმით - იცით ვინ არიან ისინი, რა ჭირდებათ თქვენგან, რა გამოწევების წინაშე დგანან და სად ატარებენ დროს - შეძლებთ დახვდეთ მათ სწორედ იქ, სადაც არიან.
თქვენ შეძლებთ სწორედ ისეთი კონტენტით მოახდინოთ მათთან კომუნიკაცია, როგორიც უნდათ და სჭირდებათ და განათავსოთ ეს კონტენტი იქ, სადაც ისინი არიან.
ამ გზით მომხმარებლის გონებაში დაილექებით და მაშინ როცა მას რაიმე დასჭირდება, სწორედ თქვენ გაახსენდებით.
5. გაზარდეთ თქვენი ამჟამინდელი მომხმარებლის შენაძენის საშუალო ღირებულება
რას ნიშნავს ეს ?
სტრატეგია, რომელიც გაძლევთ საშუალებას იყოთ დარწმუნებული, რომ სამომხმარებლო კალათაში ერთით მეტი ნივთი მაინც იქნება.
მაგალითად, როცა ყიდით ყავას, შეგიძლიათ შეიმუშავოთ სტრატეგია, რომ ყავასთან ერთად მომხმარებელს ნამცხვარიც მიყიდოთ, ამით კი გაზარდოთ მისი შენაძენის ღირებულება.
როცა ფიზიკურ მაღაზიაზე გვაქვს საუბარი, ამ სტრატეგიის განხორციელება შედარებით მარტვია. უბრალოდ ერთ სექციაში განათავსებთ ისეთ პროდუქტებს, რომლებიც ერთმანეთთან ლოგიკურ კავშირშია და კლიენტის ყურადღებას იპყრობს.
თუმცა, როცა თქვენი მყიდველი ონლაინ შოპინგობს ეს საკითხი რთულდება.
რა უნდა მოიმოქმედოთ ამ დროს?
დაიწყეთ მარტივი კითხვების დასმით:
· რა არის ის ორი(ან მეტი) პროდუქტი, რომელსაც მომხმარებელი ხშირად ერთად ყიდულობს?
· რომელი პროდუქტები ავსებს ერთმანეთს და ერთად უფრო მეტ ღირებულებას აძლევს მყიდველს?
· რომელიმე პროდუქტს განახლებადი ვერსია ხომ არ აქვს, რაც კლიენტმა უნდა იცოდეს?
ამ სტრატეგიის შემუშავება ონლაინ საიტისთვის შეგიძლიათ უფრო მარტივადაც დაიწყოთ.
მაგალითად: შესთავაზეთ მომხმარებელს უფასო მიტანა მაშინ, როცა მისი კალათა გარკვეულ თანხას მიაღწევს.
და ბოლოს...
დაიმახსოვრეთ: თქვენი ამჟამიდელი მომხმარებლის ბაზა, თქვენი კომპანიის საუკეთესო აქტივია. თუ ამაზე არასდროს გიფიქრიათ, მაშინ დროა თქვენი რესურსი ამასაც მოახმაროთ.
ასეთმა მომხმარებლებმა უკვე იციან თქვენი ბრენდი, პროდუქტი, მომსახურება და ისინი უბრალოდ გაფასებენ. ამიტომ თქვენი დროისა და ენერგიის მათთან ურთიერთობის გამყარებაზე დახარჯვა ძალიან კარგ შედეგებამდე მიგიყვანთ და დაგეხმარებათ ნაკლები რესურსით მეტი გაყიდვების გენერირებაში.
დანარჩენს კი შემდეგ ბლოგში მოგიყვებით ...